Ao anatin'ny fankalazana ny iray volan'ny Farimbona dia manana alahady iray avy ny sampana rehetra eto anivon'ny FJKM Ankadifotsy mandritra ity volana Jolay ity, ary samy manana ny fomba anehoany azy avy ny isan-tsampana amin'izany.
Manana anjara amin'izany ny Sampana Mpanazava sy Tily, ka ny alahady faha 19 jolay 2009 izao izany. Ho enti-manamarika io dia mikarakara horonan-tsary izy ireo amin'io fotoana io manomboka amin'ny 4 ora sy sasany, izay mitondra ny lohahevitra hoe " Ny Fiarovana ny tontolo iainana sy ny bokin'ny JOELA".
Fifaliana ho azy ireo ny manasa an'ise amin'izany satria miankina amin'ise ny ho avin'ity Nosintsika ity.
Tongava maro ary...
mardi 14 juillet 2009
PROJECTION
Par Ankadifotsy XVII le mardi 14 juillet 2009, 11:55
FANEKENA MPIANDRAIKITRA
Par Ankadifotsy XVII le mardi 14 juillet 2009, 11:35
Fisaorana lehibe no atolotra an'Andriamanitra, satria mbola misy tanora sahy sy vonona hanolo-tena amin'ny fanabeazana ireo ankizy omen'Izy Tompo ho beazina eo anivon'ny fitaizana skoto. Ho fanatanterahana sy ho fanehoana amin'ny fomba hita maso io fanoloran-tena io, dia hisy fotoam-pivavahana ny alahady faha 19 Jolay 2009 ho avy izao ao amin'ny FJKM Ankadifotsy manomboka amin'ny 10 ora maraina, hanatanterahan'ireo Mpiandraikitra ao amin'io fitandremana io ihany ny fanekeny.
Ireto avy ireo mpiandraikitra hanao ny fanekeny:
Tily Sampana mavo :
RAHARIMIARANA Mihaja (Baloo)
Tily Sampana maitso:
RANDRIAMIARANA Johary (Langora Mifantoka)
RAZAFINTSALAMA Mahenintsoa (Angiky Mandalina)
Tily Sampana mena:
TOJOSOA Njaravola
Hisy ihany koa ny fanolorana Tonia tily mandritra io fotoana io, ka hatolotra amin'izany i: TRAKALA Mikiry
Koa fifaliana ho azy ireo ny manasa an'ise hantrika io fotoana io.
" Eo anatrehanao ry Ray, no ekeko..."
lundi 30 mars 2009
VOKATRA RODORODO FANDIO RANO 2009
Par Ankadifotsy XVII le lundi 30 mars 2009, 11:13
Isaorana lehibe Andriamanitra tamin'ny hery sy tanjaka nomeny ny Mpirodorodo rehetra, ny mpilalao na ny mpampilalao. Vita soa ama-tsara ary ny rodorodo, ka nahazo ny laharana faha efatra (4) ny fokonolona Rainandriampandry avy eto amin'ny fivondronanana fa ha 17.
samedi 28 mars 2009
RODORODO 2009
Par Ankadifotsy XVII le samedi 28 mars 2009, 09:37
Toy ny fanao isan-taona dia ho tanterahina ny 27-28-29 Martsa izao ny rodorodo faritany afovoany fanaon'ny Tily Sampana Mena . Amin'ity indray maka ity dia hitondra ny lohahevitra hoe "FANDIO RANO " ny rodorodo, izany manodidina ny rano sy ny tombotsoa amin'ny fananana azy no tena ho lalaovina amin'izany. Koa miandry izay ho vokatry ny lalao isika, izay antenaina ahitana mpandray anjara any amin'ny 100 Mpiandalana any ho any, izay andraisan'ny Tily Mena avy eto amin'ny fivondronana faha XVII anjara. Mirary soa ho an'ny Mpilalao rehetra.
lundi 24 novembre 2008
NOELI-PIVONDRONANA 2008
Par Ankadifotsy XVII le lundi 24 novembre 2008, 16:36
Toy ny fanao isan-taona dia hanatanteraka ny noelim-pivondronana ny SAMPATI eto amin'ny FJKM Ankadifotsy, Fivondronana faha XVII ny Alatsinainy 22 desambra 2008 ho avy izao. Hiova endrika izy amin'ity ndray maka ity, satria ny beazina hanome aina eo aminy lafiny feon-kira. Ity fankalazana Noely ity moa dia napitondraina ny lohahevitra hoe "E! MIVERENA"; izay entina maneho indrindra fa na maro aza ny zavatra eritreretintsika ho tsara sy mahasoa, dia ao amin'Andriamanitra irery iany no mahatsara antsika. Hanomboka amin'ny 6 ora hariva ny fotoana, koa manasa an'ise ho avy fa ny aim-panahy ho azo , ny fahafinaretana ho hita.
« billets précédents - page 1 de 4
Contact